Eis Crèche ass e Familljebetrib zu Bous an engem Wunnberäich no bei der däitscher a franséischer Grenz. Mir këmmeren eis ëm Kanner am Alter vun 0 bis 4 Joer an engem rouegen a sécheren Ëmfeld.

D’Kanner ginn an zwou Gruppen opgedeelt :

Mir schwätze Franséisch, Lëtzebuergesch an Däitsch.

Pedagogik :

Eis Struktur praktizéiert eng net-formell Ausbildung. Dës beinhalt Léierprozesser déi an engem Ëmfeld stattfannen dat virbereet an entworf ass fir den Interessi vun all Kand ze stimuléieren. D’Aktivitéite sinn ëmmer Virschléi op Basis vun de Besoinen an Interesse vum Kand. D’Kanner kënnen d’Aktivitéite fräiwëlleg wielen.
D’Kand gëtt als e kompetent Wiesen ugesinn, dat fäeg ass vun der Gebuert ze léieren. Et ass virwëtzeg an hëlt aktiv Deel um edukative Prozess.
Mir garantéieren en Ëmfeld dat a verschidde Funktiounsberäicher strukturéiert ass fir de Kanner Choixen unzebidden.
Den alldeeglechen Kontakt zu der Aussewelt ass och eng vun eise Prioritéiten. D’Kanner hunn direkten a sécheren Zougang an eise Gaart.

D’Aklimatiséierungsphase :

Haaptsächlech geet et hei drëms de Rhythmus vum Kand ze verfollegen an ze respektéieren. Eis Flexibilitéit an Adaptatiounsméiglechkeeten sinn wichteg fir d’Kand an dëser Transitiounsphase beschtméiglechst ze begleeden.

Iessen :

Och hei setze mir op Autonomie a gudde Wëllen. D’Organisatioun ass gutt duerchduecht fir roueg Ofleef ze garantéieren. Fir d’Puppelcher hu mir déi héich Still an alles wat d’Motorik vum Kand behënnert, ofgeschaaft. D’Puppelcher iessen op klengen Dëscher oder setze bei eis um Schouss. Déi eeler Kanner bedeelegen sech beim Dësch decken an iessen zesummen, hiert iessen ass a Form vun engem Buffet preparéiert.
Mir bidden eng ofwiesslungsräich Ernierung aus biologescher Landwirtschaft un.

Eis amenagéiert Beräicher :

E Bichereck

Gemittlech an zu all Moment zougänglech, mat e puer héichwäertege Bicher sou arrangéiert datt de Cover ze gesinn ass.

E “Rascht” Eck

Hei kann d’Kand, wann et wëllt, sech de Reizer vun der Gemeinschaft entzéien. Et ass e klengen Eck dee gemittlech ageriicht ass an e bëssen Distanz zum Rescht vum Grupp huet.

E “Bau” Eck

Mir hunn dësen Eck mat engem dënnen Teppech beluecht fir de Beräich um Buedem anzegrenzen.
Op der Matt oder an der direkter Ëmgéigend proposéiere mir Baumaterialien, déi reegelméisseg änneren: Lego, Kapla, Bausteng, Deckele vu Fläschen, Holzreebou, Styroporsbléck.

E kreative Beräich

Mir hunn dëse Raum mat thematesche Behälter a Plateauen organiséiert: Modelléieren, Ausschneiden, Collagë maachen, Molen an Zeechnen.

Ee Rollespillberäich

Dësen Eck ass de symbolesche Spiller gewidmet.
Mir hunn all déi symbolesch Spiller, déi mir haten, op enger Plaz gebündelt: Poppen, Spillkichen, Epicerie, kleng Autoen a Figuren.

Ee Motorikberäich

Fir all Grupp steet eng Motorik Plattform an e Bewegungparscours zur Verfügung.
Dëse Motorikberäich ass fir d’Kanner de ganzen Dag zougänglech.

En Exploratiounseck

An dësem Eck gëtt ëmgeschott, Fiedem duerchgezunn, experimentéiert, transportéiert … Dëst ass eise Beräich fir fein Psychomotorik mat Hand-Aen Koordinatioun an Experimenter.
Mir setzen d’Aktivitéitplateauen oder kleng Behälter zesummen déi einfach ze droe sinn.